KPMG Azərbaycan və Azərbaycan Dəmir Yolları (ADY) Lökbatanda təmizlik aksiyası keçiriblər
KPMG Azərbaycan və Azərbaycan Dəmir Yolları (ADY) korporativ sosial məsuliyyət təşəbbüsü çərçivəsində “Yollarımız dəmir, izlərimiz təmiz” şüarı altında Lökbatanda təmizlik aksiyası keçiriblər.
Hər iki şirkətdən 100-dən çox əməkdaşın iştirak etdiyi aksiya zamanı dəmir yolu ərazilərindən plastik və polietilen kimi məişət tullantıları toplanıb ki, bu da təhlükəsizlik risklərinin azaldılmasına və ətraf mühitin qorunmasına xidmət edib. Toplanmış tullantılar müvafiq qaydada utilizasiya olunmaq üçün təhvil verilib.
Bu təşəbbüs cəmiyyətimiz üçün daha təmiz və təhlükəsiz mühitin yaradılmasında əməkdaşlığın və ortaq məsuliyyətin vacibliyini bir daha sübut edir.
Bu təşəbbüsdə ADY ilə birgə iştirak etməkdən qürur duyur, öz vaxtını və enerjisini bu faydalı işə sərf edən bütün həmkarlarımıza təşəkkür edirik.
KPMG olaraq inanırıq ki, real dəyişiklik konkret addımlarla başlayır və atılan hər bir addım önəmlidir.
Comments