AFFA-nın təşkilatçılığı ilə “Yaşıl Top” sosial layihəsinə start verilib
AFFA-nın təşkilatçılığı ilə “Yaşıl Top” sosial layihəsinə start verilib.
Milli assosiasiyadan bildirilib ki, layihənin ilk tədbiri “Sabis Sun” beynəlxalq məktəbində keçirilib.
Tədbir çərçivəsində təkrar emal edilmiş materiallardan hazırlanmış simvolik “Yaşıl Top” məktəbə hədiyyə olunub, şagirdlərlə ətraf mühitin qorunması və dayanıqlı davranışlarla bağlı maarifləndirici görüşlər keçirilib. Tədbirdə iştirak edən veteran futbolçu Qara Qarayev şagirdləri ətraf mühitin qorunmasına və ekoloji dayanıqlılığa töhfə verməyə çağırıb. “Təmiz Şəhər” ASC-nin mətbuat katibi Orxan Cabbarlı, eləcə də Ekologiya və Təbii Sərvətlər Nazirliyinin baş məsləhətçisi Gülnarə Məmmədova şagirdlərə tullantıların düzgün idarə olunması, meşələrin bərpası və dayanıqlı həyat tərzi ilə bağlı məlumat veriblər.
Beynəlxalq dərəcəli hakimlər Əliyar Ağayev və Kamal Umudlu, həmçinin köməkçi hakim Sevda Nuriyeva da şagirdlərlə görüşüb və ağacəkmə aksiyasında iştirak ediblər.
“Yaşıl Top” sosial layihəsi futbolun sosial təsir gücündən istifadə etməklə uşaqlar və futbol ictimaiyyəti arasında ekoloji dəyərlərin təşviqinə xidmət edir. Layihə çərçivəsində ümumilikdə 10 məktəbdə tədbirlərin keçirilməsi, tədris ilinin sonunda isə məktəblərarası futbol turnirinin təşkili nəzərdə tutulur.
P.S. Do you have a cool CSR idea and/or looking for a sponsor? Please fill the form on Opportunities page or discuss it via forum
Comments