top of page

Ziraat Bank Azərbaycan “Zəfər Günü” münasibətilə keçirilən ağacəkmə aksiyasında iştirak edib

Nov 14
1 min read
Ziraat Bank Azerbaijan participated in a tree-planting campaign held on the occasion of Victory Day

Ziraat Bank Azərbaycan 8 Noyabr – Zəfər Günü ərəfəsində Müşfiqabad qəsəbəsində təşkil olunan növbəti ağacəkmə aksiyasında iştirak edib.

Ekologiya və Təbii Sərvətlər Nazirliyi, Azərbaycan Respublikasının Mərkəzi Bankı və maliyyə sektorunun aparıcı assosiasiyalarının birgə təşəbbüsü çərçivəsində keçirilən aksiyada bank-maliyyə sektorunun nümayəndələri bir araya gələrək ətraf mühitin mühafizəsinə və ölkədə yaşıllıq sahələrinin genişləndirilməsinə öz töhfələrini veriblər.

Aksiya zamanı iştirakçılar tərəfindən 2 hektar ərazidə ümumilikdə 1 250 ədəd Eldar şamı və zeytun ağacı əkilib. Bununla da cari il ərzində sözügedən ərazidə əkilən ağacların ümumi sayı 38 750-yə çatıb.

Qeyd edək ki, ağacəkmə kampaniyası 13 mart 2023-cü il tarixində Ekologiya və Təbii Sərvətlər Nazirliyi, Azərbaycan Respublikasının Mərkəzi Bankı, Azərbaycan Banklar Assosiasiyası, Azərbaycan Sığortaçılar Assosiasiyası, Azərbaycan Mikromaliyyə Assosiasiyası, Azərbaycan Fond Bazarı İştirakçıları Assosiasiyası və Azərbaycan Fintex Assosiasiyası arasında imzalanmış “Ümummilli lider Heydər Əliyevin anadan olmasının 100-cü il dönümü münasibətilə ağacəkmə tədbirləri üzrə əməkdaşlığa dair Anlaşma Memorandumu” çərçivəsində həyata keçirilir.

Memoranduma əsasən, 2023-cü ildən başlayaraq 10 il ərzində hər il 100 min ağacın, ümumilikdə isə 1 milyon ağacın əkilməsi nəzərdə tutulur. Bu təşəbbüs çərçivəsində Abşeron rayonu və Naxçıvan Muxtar Respublikasında ağacəkmə tədbirləri həyata keçirilir, həmçinin yaşıllıq sahələrinin davamlı inkişafını təmin etmək məqsədilə müvafiq suvarma sistemləri qurulur.

Ziraat Bank Azərbaycan ekoloji dayanıqlılığın təmin edilməsini və ətraf mühitin qorunmasını korporativ sosial məsuliyyət yanaşmasının mühüm istiqamətlərindən biri kimi qiymətləndirir. Bank bu kimi təşəbbüslərdə iştirakı ilə ölkədə yaşıllıq sahələrinin artırılmasına, ekoloji tarazlığın qorunmasına və gələcək nəsillər üçün daha sağlam ətraf mühitin formalaşdırılmasına dəstəyini ifadə edir.

 

 

P.S. Do you have a cool CSR idea and/or looking for a sponsor? Please fill the form on Opportunities page or discuss it via forum

 
 
 

Comments

Rated 0 out of 5 stars.
No ratings yet

Add a rating

Ən Yaxşı Hekayələr

No posts published in this language yet
Once posts are published, you’ll see them here.

Bülletenimizə abunə olmaqla, Azərbaycanın KSM təşəbbüsləri, sosial layihələri və sponsorluqları ilə bağlı ən son xəbərlərdən və tədbirlərdən xəbərdar olun.

Thank you for subscribing!

  • Facebook
  • Instagram
  • LinkedIn

© 2023 Initiativs Azerbaijan tərəfindən. Bütün hüquqlar qorunur.

bottom of page