Sosial Xidmətlər Agentliyinin təşəbbüsü və Ekologiya və Təbii Sərvətlər Nazirliyinin dəstəyi ilə Müşfiqabad qəsəbəsində ağacəkmə aksiyası həyata keçirilib

Əmək və Əhalinin Sosial Müdafiəsi Nazirliyinin tabeliyində Sosial Xidmətlər Agentliyinin təşəbbüsü və Ekologiya və Təbii Sərvətlər Nazirliyinin dəstəyi ilə Müşfiqabad qəsəbəsində ağacəkmə aksiyası həyata keçirilib.

“Şəhərsalma və Memarlıq İli”nə həsr olunan tədbirdə Agentliyin Aparatında çalışan 100-dən çox əməkdaş iştirak edib.

Tədbir ətraf mühitin mühafizəsinə töhfə vermək, yaşıllıq sahələrinin genişləndirilməsi və ekoloji tarazlığın qorunması məqsədi daşıyıb.

Aksiya çərçivəsində eldar şamı və zeytun ağacları da daxil olmaqla, ümumilikdə 100 ağac əkilib. Əkilən ağacların sağlam inkişafını təmin etmək məqsədilə onların ətrafında müvafiq abadlıq və ilkin qulluq işləri aparılıb.

Qeyd edək ki, Agentlik tərəfindən mütəmadi olaraq sosial və ekoloji yönümlü korporativ sosial məsuliyyət tədbirləri həyata keçirilir.

Mənbə: https://www.instagram.com/p/DerbintF2yp/

P.S. Do you have a cool CSR idea and/or looking for a sponsor? Please fill the form on Opportunities page or discuss it via forum