Norm Ümumdünya Ətraf Mühit Günü 2026-nı sponsor qismində dəstəkləyib

5 iyunda Bakıda Ümumdünya Ətraf Günü 2026 tədbiri baş tutub.

Azərbaycanın ev sahibliyi etdiyi qlobal tədbirdə yüksək səviyyəli dövlət rəsmiləri, BMT və onun aidiyyatı qurumlarının rəhbər şəxsləri, müxtəlif ölkələrdən gələn nümayəndələr, Azərbaycanın özəl sektorunu təmsil edən şirkətlərin, eləcə də Norm-un nümayəndələri iştirak ediblər. Norm tədbirin sponsorlarından biri kimi bu mühüm təşəbbüsə dəstək göstərib.

Ətraf mühitin qorunması, iqlim dəyişiklikləri ilə mübarizə və dayanıqlı inkişafın təşviqinə həsr olunmuş belə nüfuzlu tədbirin sponsor kimi tərəfdaşları sırasında yer almaq şirkət üçün mühüm əhəmiyyət kəsb edir.

Norm-da istehsal və biznes prosesləri ətraf mühitə məsuliyyətli yanaşma prinsipləri əsasında qurulub. Şirkət karbon emissiyalarının azaldılması ilə bağlı hədəflərinə nail olmaq istiqamətində fəaliyyətini davam etdirir, bu məqsədlə Azərbaycan Sement İstehsalçıları Assosiasiyasının “Xalis Sıfır Yol Xəritəsi”nə uyğun addımlar atır.

“Norm” ASC 10-dan çox ölkədə enerji, telekommunikasiya, yüksək texnologiyalar və tikinti sahələrində fəaliyyət göstərən beynəlxalq şirkətlər qrupu olan NEQSOL Holding-in tərkibinə daxildir.

Source of the news: https://az.trend.az/azerbaijan/society/4196246.html

P.S. Do you have a cool CSR idea and/or looking for a sponsor? Please fill the form on Opportunities page or discuss it via forum