"FIFA-2026" finalını yerində izləmək fürsəti sahibinə təqdim edildi: "Birbank" və "Visa"nın kampaniyası yekunlaşdı

Ölkənin ilk rəqəmsal bankı "Birbank" və "Visa" şirkətinin birgə həyata keçirdiyi "Birbank"la "FIFA 2026 Final Oyunu" kampaniyasının nəticələri açıqlanıb. Kampaniyanın şərtlərinə tam cavab verən iştirakçı futbol üzrə dünyanın ən möhtəşəm idman hadisələrindən birini yerində izləmək imkanı əldə edib.

Şanslı iştirakçı "FIFA-2026" final oyununa ikinəfərlik biletlə yanaşı, ABŞ-yə tam təşkil olunmuş səyahət paketinin sahibi olub. Paketə 4 gecəlik yerləşmə, hava limanı transferləri, oyun və tədbirlərə nəqliyyat xidməti daxildir. Beləliklə, o, dünya futbolunun ən möhtəşəm anlarından birini rahat və unudulmaz şəkildə yaşamaq fürsəti qazanıb.

Təşkil olunan mükafatlandırma mərasimində hədiyyə rəsmi olaraq qalibə təqdim olunub. Tədbirdə "Birbank" və "Visa" nümayəndələri iştirak ediblər.

Mükafatın sahibi Ş.Məmmədli sevincini bölüşərək bildirib: "Futbol üzrə Dünya Çempionatının finalını stadiondan izləmək mənim üçün inanılmaz fürsətdir. Üstəlik, səfərin bütün təşkilati detallarının düşünülməsi bu təcrübəni daha da xüsusi edir. Bu, həyatım boyu yaşadığım unudulmaz təcrübələrdən biri olacaq".

Xatırladaq ki, kampaniya şərtlərinə əsasən qalib yeni "Birbank" "Visa" taksit kartı əldə edən və "Birmarket" platformasında alış-veriş edən iştirakçılar arasında ən yüksək alış-veriş dövriyyəsinə sahib müştəri seçilib.

Source of the news: https://oxu.az/digar/fifa-2026-finalini-yerinde-izlemek-furseti-sahibine-teqdim-edildi-birbank-ve-visa-nin-kampaniyasi-yekunlasdi

P.S. Do you have a cool CSR idea and/or looking for a sponsor? Please fill the form on Opportunities page or discuss it via forum