"Expressbank" Mingəçevirdə təmizlik aksiyası keçirib

"Expressbank" - sosial məsuliyyətinə sadiq maliyyə qurumu olaraq ətraf mühitin qorunmasına yönəlmiş təşəbbüslərlə çıxış etməyə davam edir.

Ümumdünya Ətraf Mühit Günü münasibətilə Azərbaycan Dövlət Su Ehtiyatları Agentliyinin (ADSEA) dəstəyilə "Təbiətə qayğı - Gələcəyə miras" korporativ sosial məsuliyyət layihəsi çərçivəsində keçirilən növbəti aksiya zamanı Bankın baş ofis və Mingəçevir filialının əməkdaşları Mingəçevir su anbarı hövzəsində yerləşən çimərlik ərazisində təmizlik işləri həyata keçiriblər.

Aksiya "Şəhərsalma və Memarlıq İli"nin məqsəd və prioritetlərinə uyğun olaraq, ölkənin strateji əhəmiyyətli şəhərlərindən biri olan Mingəçevirdə ekoloji tarazlığın qorunması və daha dayanıqlı, yaşayış üçün əlverişli mühitin formalaşdırılmasına dəstək məqsədi daşıyıb.

"Expressbank" dayanıqlı inkişaf prinsiplərini fəaliyyət strategiyasının əsas istiqamətlərindən biri kimi qiymətləndirərək bu sahədə ardıcıl sosial layihələr həyata keçirir. Xatırladaq ki, bankın ötən ilki analoji təmizlik aksiyası Xəzər dənizi sahilində baş tutmuşdu.

Source of the news: https://oxu.az/digar/expressbank-mingecevirde-temizlik-aksiyasi-kecirib

P.S. Do you have a cool CSR idea and/or looking for a sponsor? Please fill the form on Opportunities page or discuss it via forum