“Atəşgah” Sığortadan “30 il-Sonsuz ümid” adlı qanvermə aksiyası

Azərbaycanın aparıcı sığorta şirkətlərindən biri olan “Atəşgah” Sığorta Şirkəti ASC fəaliyyətinin 30-cu yubiley ili çərçivəsində korporativ sosial məsuliyyət prinsiplərinə sadiqliyini bir daha nümayiş etdirib.

Şirkət bu məqsədlə, Azərbaycan Respublikası Səhiyyə Nazirliyinin Respublika Qan Bankı ilə birgə “30 il-Sonsuz ümid” adlı qanvermə aksiyası təşkil edib.”Atəşgah” Sığorta Şirkəti bu mühüm təşəbbüsü həyata keçirməklə qana ehtiyacı olan talassemiya xəstələrinə, eyni zamanda müxtəlif qan xəstəlikləri ilə mübarizə aparan uşaqlara dəstək olmağı hədəfləyib.

Aksiya çərçivəsində şirkətin əməkdaşları yüksək həvəslə iştirak edərək, qanvermə prosesində həmrəylik və sosial məsuliyyət nümayiş etdiriblər.

Şirkət, gələcəkdə də cəmiyyətin rifahına töhfə vermək və ehtiyacı olanlara dəstək göstərmək məqsədilə müxtəlif sosial məsuliyyət layihələrini davam etdirməyi planlaşdırır.

Mənbə: https://banker.az/at%C9%99sgah-sigortadan-30-il-sonsuz-umid-adli-qanverm%C9%99-aksiyasi/

P.S. Do you have a cool CSR idea and/or looking for a sponsor? Please fill the form on Opportunities page or discuss it via forum